無錯,真係好耐,都成兩三個禮拜啦,懶啦.(啱啱好到5月,五月病要發作啦~~

呢兩三個禮拜都經歷(?)左好多野,
英文兩個作文,今日好彩抽唔中,不過之後就唔包啦-.-英文科由某梁做左班主任之後,
勁煩,Form One嗰位Miss Fan都冇咁煩...某梁又抽又限時間又成日玩野,都唔知夠唔夠佢玩.
橫掂都係要頂多兩個月,我死忍...

不過最慘都莫過於抽到同"班花"一組做會話,好一個2人組...
早知換過張籤先比金仔啦,我好想睇下佢同"班花"一組會係點
聽日就測啦...但係又未郁過-A-點算?

音樂科都曾經講過要自己揀歌唱,但係依家真係實現左
唔知揀咩歌好,我有一堆頭D歌,但係...我驚我唱唔出,高潮部分都好高音下
目標歌 -- Ace的Power of Sound或Powerful T.的Over the rainbow.兩隻我都好鍾意聽,但係一諗到自己可能會唱得好難聽就XD
何況呢兩隻英文歌都好快下,我又驚組隊既話隊員又跟唔上
死啦-O-

公民都............-o-要O咀啦,
狂作文,上段仲話要去佢度講番出黎,呢段又寫左兩次啦,話唔定又要去一兩次...
D人太強啦,我都舉唔切手,舉左又未必識答...

對呢三科,我只能講三個字 ------ 煩,煩,煩!

仲有,我對電腦科徹底失望......
三堂過左去都仲係if,else都未教,作死呀,嘥曬D時間.
搞到我悶到X咁,坐響角位度,唉.....識都冇得教D唔識既人,好慘,好寂寞,
雖然我都比人無視得多,但都冇上電腦堂比咁大挫敗感同失落感我......

呢度冇人留CM我都想死呀!!!!!!Qooza度CM鬼咁多,黎度呢度人影冇隻?!
最後編輯： L3m0N-k1T 編輯於2008/05/02 21:39